هل تبحث عن صور مكرونة وتعشق مشاهدة الصور الخاصة بتقديم المكرونة، في تلك المشاركة نوفر لكم اكبر البوم صور اشكال اطباق مكرونة لذيذة بجميع الطرق، لكل كائنات ومحبي المكرونة نضع لكم طرق عمل جميع انواع المكرونة المعروفة والغير معروفة في تلك الالبوم، للمكرونة انواع كثيرة سوف نتعرف عليها في تلك المشاركة التى تحتوي على اكبر كمية صور مكرونة في خلفيات ورمزيات جميلة جدا نوفرها لكم في تلك المقالة من خلال موقع مصراوى الشامل.
صور مكرونة
صور مكرونة اقلام
صور خلفيات مكرونة
صور مكرونة اسبكتي
صور مكرونة اسبكتي بالريحان
صور مكرونة بشمل
صور مكرونة بالصلصة
طرق عمل المكرونة بانواعها
المكرونة المحمرة 🧡
المقادير:
- معلقتين كبار زبدة
- باكيت مكرونة (صغيرة الحجم)
- حبة بصل (مفروم)
- 3 فصوص ثوم (مهروس)
- كوب عصير طماطم
- معلقة كبيرة معجون طماطم
- معلقة صغيرة ملح
- معلقة صغيرة فلفل أسود
طريقة التحضير:
- نحط الزبدة في حلة على نار متوسطة ونضيف المكرونة ونقلبها بالزبدة لحد ما تتحمر شوية.
- نضيف البصل والثوم ونقلب لمدة 5 دقائق
- نضيف عصير الطماطم ومعجون الطماطم والملح والفلفل ونسيبها لحد ما تغلي
- نغطي الحلة ونخفف النار ونسيب المكرونة على نار هادية لمدة 25 دقيقة لحد ما تستوي وتتشرب الصوص.
بولونيز بالدجاج ❤️
المقادير:
- باكيت مكرونة (النوع المفضل)
- بصلة مفرومة
- معلقتين كبار زيت زيتون
- كوبين صلصة طماطم
- 3 معالق كبار معجون طماطم
- نصف معلقة صغيرة فلفل أسود
- عود كرفس مفروم
- 2 حبة جزر مقشر ومفروم صغير
- نصف كيلو صدور دجاج (مفرومة)
- كوب الا ربع حليب
- نصف معلقة صغيرة ملح
- ربع كوب خل
- ربع كوب جبنة بارميزان (مبشورة / للتقديم)
طريقة التحضير:
- سخني الزيت في طاسة على نار متوسطة وضيفي البصل والكرفس والجزر وقلبي
- ضيفي الملح والفلفل وقلبي لمدة 7 دقائق
- ضيفي الدجاج المفروم وقلبي المزيج لمدة 5 دقائق كمان
- ضيفي ومعجون الطماطم والخل وسيبي المزيج يغلي لمدة دقيقتين
- ضيفي الحليب وصلصة الطماطم وخففي الحرارة وسيبي المزيج على النار لمدة ربع ساعة لحد ما يستوي ويتكاثف
- اسلقي المكرونة بالطريقة المعتادة وصفيها واغسليها بماء بارد
- اغرفي المكرونة في طبق التقديم ووزعي فوقها الدجاج مع الصلصة ورشي الجبنة البارميزان وقدميها
بيف ستروجانوف باستا 💛
المقادير:
- 400 جرام مكرونة
- كيلو ستيك لحم بقري
- ملح وفلفل حسب الرغبة
- معلقة كبيرة زيت زيتون
- معلقتين كبار زيت ذرة
- 2 حبة بصل كبيرة
- فصين ثوم مهروسين
- 200 جرام مشروم
- معلقتين كبار معجون طماطم
- كوبين مرقة لحمة
- نصف كوب كريمة حامضة (ساور كريم)
- معلقة كبيرة خردل
- حزمة شبت طازج مقطع
طريقة التحضير:
- نقطع الستيك إلى شرائح (بعرض 1 ونصف سم تقريبًا). ونتبله بالملح والفلفل ونضيف زيت الزيتون لشرائح الستيك، ونقلبهم كويس
- نسخن الطاسة ونشوح اللحم فيها وبعدين نرفعه عن النار
- نضيف القليل من الزيت في الطاسة، ونضيف شرائح البصل والثوم المهروس والمشروم ونقلبهم لحد ما ياخدوا لون.
- نضيف معجون الطماطم والمرقة، والملح والفلفل ونقلب لحد ما الخليط يغلي
- نعيد اللحم للطاسة ونقلب لحد ما يمتزج مع باقي المكونات
- ونسيبه يستوي لمدة نصف ساعة أو لحد ما اللحم يبقا طري
- في أخر 10 دقائق من وقت السوا نضيف الكريمة الحامضة والخردل
- نسلق المكرونة بالطريقة المعتادة ونصفيها كويس، ونخلطها مع اللحم والصلصة ونرش عليها الشبت ونقدمها
سباجيتي بولينيز 🧡
المقادير:
- نصف كيلو لحمة مفرومة
- باكيت سباجيتي
- 2 حبة بصل (مفروم)
- 3 حبات طماطم (كبيرة مقشرة ومفرومة)
- معلقة كبيرة معجون طماطم
- معلقة صغيرة ملح
- معلقة صغيرة فلفل اسود
- معلقة صغيرة كمون
- معلقة صغيرة ثوم بودرة
- معلقة كبيرة أوريغانو ناشف
- كوب ماء
- مكعب مرق دجاج
- جبنة بازميزان للتقديم حسب الرغبة
طريقة التحضير
- اسلقي المكرونة بالطريقة المعتادة وصفيها
- اخلطي الطماطم المفرومة مع معجون الطماطم مع كوب الماء ومكعب مرقة الدجاج بالخلاط الكهربائي
- حمري البصل في الزيت وضيفي اللحمة المفرومة وقلبيها لحد ما تستوي
- ضيفي خليط الطماطم للبصل واللحمة وخليها على النار لحد ما يمتزجوا وتبلي بالملح والفلفل والكمون والثوم البودرة والأوريغانو وخليها على نار هادية لمدة 20 دقيقة
- اخلطي المكرونة مع الصلصة واللحمة وعند التقديم رشي على وجه الطبق جبنة بارميزان حسب الرغبة
صينية مكرونة بالجبنة والقشطة 😍
المقادير:
- باكيت مكرونة (بالشكل المفضل)
- علبة جبنة كريمي بدرجة حرارة الغرفة
- علبتين قشطة
- كوب حليب
- حبة بصل (مفروم ناعم)
- نصف معلقة صغيرة ثوم بودرة
- ربع كوب جبنة موتزاريلا
- معلقة كبيرة زبدة
طريقة التحضير:
- نسلق المكرونة ونصفيها ونغسلها بماء بارد.
- ندهن صينية بالزبدة ونحط المكرونة المسلوقة فيها
- نخلط الجبنة الكريمي مع القشطة والحليب والملح والفلفل وبودرة الثوم والبصل.
- نصب المزيج فوق المكرونة ونوزع الجبنة الموتزاريلا.
- ندخل الصينية الفرن على درجة حرارة 180 لمدة 25-30 دقيقة لحد ما الصوص يتسبك والجبن تدوب على الوجه
- قدميها ساخنة مع اللحم أو الدجاج حسب الرغبة
طاجن مكرونة فرن باللحمة المفرومة 🤎
المقادير
- ربع كيلو لحمة مفرومة
- 2 بصلة مفرومة
- قرن فلفل رومي
- قرن فلفل حار (اختياري)
- ملح
- فلفل اسود
- بهارات
- رشة سكر
- زيت
- معلقة صغيرة ثوم مفروم
- 3 معالق كبيرة خل
- نصف لتر عصير طماطم
- ملح وبهارات وبابريكا
طريقة التحضير
- نشوح البصل بملعقتين زيت ولما لونه يبقى ذهبي نضيف الفلفل الحار او البارد والملح والفلفل الاسود ورشة بهارات ورشة سكر ونضيف اللحمة ونقلب كويس ونسيبها تتعصج
- في حلة على النار نضيف معلقتين زيت عليهم معلقة صغيرة ثوم مفروم ونقلبه لحد ما يحمر وبعدين نضيف 3 معالق كبيرة خل ونضيف نصف لتر عصير طماطم (طماطم مضروبة في الخلاط عادي)
- نضيف الملح والبهارات والبابريكا ورشة سكر ونسيب الصلصة تغلي على النار غلوة واحدة
- نحضر طاجن او قالب وندهنه زيت ونحط اللحمة المعصجة ونحط فوقها المكرونة النية والغير مستوية وفوقها الصلصة ولازم الصلصة تغطي المكرونة ويمكن تزويد المكرونة مياة مغلية
- نغلف الطاجن بورق ألومنيوم وندخله فرن على درجة حرارة 180 لمدة نصف ساعة على الرف الأوسط لحد تمام السوا
- نخرج الطاجن ونقلبه في طبق تقديم ونزينه بالقليل من البقدونس
كانيلوني بالدجاج والجبنة 💛
للعجينة:
- كوب ونصف حليب
- كوب دقيق
- بيضة او اتنين
- ملح وفلفل
للحشوة:
- نصف كيلو صدور دجاج مقطعة مكعبات صغيرة
- بصلة مبشورة
- مكعب زبدة
- معلقة كبيرة ثوم مفروم
- 2 كوب بشاميل
- 2 كوب جبنة شيدر مبشورة
- رشة جوزة الطيب
للصوص:
- نصغ كوب صلصة طماطم
- كوب كريمة لباني
- ملعقة ثوم مفروم
- ملح وفلفل
للوجه:
- جبنة شيدر مبشورة
- ريحان طازج
طريقة التحضير:
لعمل العجينة:
- اخلطي الحليب مع البيض والملح والفلفل وبعدين ضيفي الدقيق وقلبي كويس لحد ما تحصلي على قوام قوام سلس وناعم
- ادهني طاسة تيفال ساخنة بالزيت وضيفي مقدار مغرفة من الخليط ولفي في اتجاه واحد واقلبي على الوش التاني
- كرري نفس الخطوة لحد الانتهاء من كل العجينة
ملحوظة مهمة:
- خلي سمك الكانوليني يكون رفيع عشان طعمه يبقا احلى
لعمل الحشوة:
- في طاسة على النار شوحي الدجاج مع البصل وملح وفلفل وضيفي الثوم وشوحيه شويه وارفعي الطاسة عن النار
- ضيفي مكعب الزبدة حسب الرغبة، وضيفي البشاميل التقيل عشان يساعد على تماسك الحشوة.
لعمل الصوص:
- شوحي الثوم وضيفي الصلصة وشوحيهم كويس مع بعض وبعدين ضيفي الكريمة والملح والفلفل، وخليه لحد ما يبدأ يغلي ارفعيه عن النار
لانهاء الكانيلوني :
- احشي كل واحدة من الكانيلوني بحشوة الدجاج وقليل من الجبنة الشيدر المبشورة ولفي كويس بإحكام ورصي في صينية بايركس مدهونة بالزيت وقليل من البشاميل وبعدين ضيفي الصوص على وجه لفائف الكانوليني ورشي الجبنة الموتزاريلا او الشيدر ودخليها الفرن لحد ما الجبنة تسيح وبعدين زينيها بالريحان وقدميها
ملحوظة:
- يمكن اضافة البشاميل على الوجه والاستغناء عن الصلصة حسب الرغبة
لازانيا بالسبانخ 💚
المقادير:
- باكيت لازانيا 400 جرام
- 2 كوب سبانح طازه مفرومه
- ربع كيلو مشروم شرايح
- معلقه كبيره زعتر فريش
- 4 كوب جبنه موزاريلا "النوع اللي بستخدمه اسمه يونيفرسال"
- كوب جبنه شيدر "النوع اللي بستخدمه اسمه افانتي"
- بصله
- فصين ثوم مفروم
- زيت زيتون
- 4 كوب لبن بدرجة حرارة الغرفه
- 3 معالق زبده
- 3 معالق دقيق
- معلقة ملح صغيره
- معلقة فلفل صغيره
- معلقة قرفه صغيره
- ربع معلقه صغيره جوزة الطيب
- معلقتين كريمه أو قشطه
- 2 كوب صلصة طماطم
طريقة التحضير
- نشوح البصل والثوم مع زيت الزيتون والزعتر وبعدين نحط المشروم ونسويه وبعدين نضيف السبانح مع رشة ملح ورشة فلفل اسود، ونقلب 2 دقايق لحد ما السبانخ تدبل
- لو حابين تضيفوا لحمه مفرومه شوحوا اللحمه الاول وبعدين ضيفوا عليها السبانج
طريقة البشاميل:
- نشوح الدقيق مع الزبده على النار ولازم نقلب كويس جداً لحد ما الدقيق يستوي
- نضيف اللبن بالتدريج ونقلب كويس عشان ميبقاش فيه كلاكيع في البشاميل، ونديله التتبيله بتاعته بقى الملح والفلفل والقرفه وجوزة الطيب وبعدين نضيف معلقتين الكريمه او القشطه
- هنسلق اللازانيا نص سوا في ماء مملح متضاف معاه معلقتين زيت وبعدين نطلعها نحطها في مياه بارده بمكعبات تلج عشان اللازانيا ماتلزقش مع بعضها.
الطريقة:
- نحمي الفرن على 170 درجه مئويه.
- نجيب صينيه بايركس وندهنا زبده ونبدأ نرص اللازانيا ونفرد عليها طبقه خفيفه من السبانخ والمشروم او اللحمه مع طبقه خفيفه من البشاميل وصلصة طماطم
- نكرر نفس الخطوه دي مع باقي الطبقات وهكذا لحد اخر طبقة لازانيا على الوش نختمها بإضافة الجبنه الشيدر والموزاريلا
- غطي الصينية بورق فويل ودخليها الفرن لمدة 40 دقيقه، وبعدين طلعيها وشيلي ورق الفويل ودخليها الفرن لمدة 10 دقائق كمان علشان الوش يستوي وياخد لونه طلعيها ورشي على الوش زعتر مطحون مع ريحان وسيبيها تهدأ ربع ساعه قبل التقديم عشان تمسك في بعضها
*ملحوظه* سلق اللازانيا بيكون شريحه او اتنين بالكتير واستخدمي معلقه خشب للتقليب
لازانيا باللحم المفروم والبشاميل 😋
المقادير:
- باكيت لازانيا 400 جرام
- 750 جرام لحمه مفرومه
- 2 بصله كبيره مفرومه ناعم
- فصين ثوم مفرومين ناعم
- 3 معالق كبار زبده.
- معلقه كبيره بقدونس مفروم
- معلقه كبيره زعتر مجفف
- ملح وفلفل أسود حسب الرغبه
- نصف كيلو طماطم مقشره ومفرومه
- معلقتين كبار معجون طماطم
مقادير البشاميل:
- معلقتين كبار زبده
- ملح وفلفل اسود حسب الرغبه
- رشة جوزة الطيب
- 4 معالق كبار دقيق
- نصف كوب جبنه موتزاريلا
- 2 كوب حليب
في حله على النار نضيف الزبده وننزل البصل ونقلبه كويس لحد مايدبل نضيف اللحم المفروم والثوم للبصل ونقلب لحد ما اللحمه تستوي نضيف البقدونس والزعتر المجفف ثم الطماطم المفرومه ونقلب كويس ونتبل بالملح والفلفل الأسود مع التقليب، نغطي الحله ونسيبها على نار متوسطه شويه لحد ما المكونات تتجانس ونرفعها عن النار.
لعمل البشاميل:
- نضيف الدقيق إلى الزبده المذابه في حله على النار ونقلب لمدة دقيقتين
- نضيف الحليب السائل مع التقليب المستمر لحد ما القوام يتقل
- نضيف الملح والفلفل الاسود، ورشة جوزة الطيب ونضيف الجبنه الموزاريلا مع الاستمرار في التقليب وبعدين نرفعه عن النار ونسيبه على جنب
- نسلق اللازانيا نصف سوا في ماء مملح متضاف معاه معلقتين زيت وبعدين نطلعها نحطها في مياه بارده بمكعبات تلج عشان اللازانيا ماتلزقش مع بعضها
- ملحوظه: سلق اللازانيا بيكون شريحه او اتنين بالكتير ونستخدم معلقه خشب للتقليب، وفيه أنواع لازانيا مش بتحتاج سلق وبنستعملها على طول
- نجيب صينيه بايركس ندهنها بشاميل بسيط وفوقها طبقة من اللازانيا ونضيف طبقه من اللحمه المفرومه نكرر طبقة بشاميل على اللحمه ونغطيها بطبقة لازانيا وننهي الازانيا بطبقة بشاميل ونضيف الجبنه الموتزاريلا على الوش
- ندخل الصينيه فرن ساخن على درجة حراره 200 لمدة 20 دقيقه لحد ما اللون يبقا ذهبي
مكرونة الفريدو بالجمبري 🧡
المقادير:
- باكيت مكرونة قلم
- نصف كيلو جمبري
- معلقة كبيرة زبدة
- معلقة كبيرة زيت زيتون
- معلقة صغيرة ملح
- نصف معلقة صغيرة فلفل أسود
- 3 فصوص ثوم (مهروس ناعم)
- كوبين كريمة طبخ
- نصف كوب جبنة بارميزان (مبشورة)
- معلقة كبيرة بقدونس (مفروم / للتزيين)
طريقة التحضير
- اسلقي الباستا صفيها واتركيها جانباً
- سخني الزبدة والزيت في طاسة واسعة على نار متوسطة
- ضيفي الجمبري مع نصف كمية الملح والفلفل والثوم وقلبي لمدة 5 دقائق وبعدين ارفعيه من الطاسة وسيبيه على جنب
- ضيفي لنفس الطاسة الثوم المتبقي وقلبي لمدة دقيقة
- وبعدين ضيفي الكريمة ونصف كمية الجبنة البارميزان وحركي لحد ما الخليط يبدأ بالغليان
- عيدي الجمبري للكريمة واتركي المزيج لمدة 3 دقائق يغلي على نار متوسطة.
- اغرفي الباستا في طبق التقديم ووزعي الكريمة مع الجمبري فوقها
- زيني الطبق بباقي كمية جبن البارميزان والبقدونس المفروم وقدميها ساخنة
مكرونة بالبشاميل والجبنة 😋
المقادير:
- باكيت مكرونة (مسلوقة / النوع المفضل)
- نصف كيلو لحم مفروم
- حبة بصل (مفروم ناعم)
- نصف معلقة صغيرة ملح
- ربع معاقة صغيرة جوزة الطيب
- ربع معلقة صغيرة فلفل اسود
- كوب جبنة موتزاريلا
- كوب جبنة شيدر مبشورة
- كوب جبنة رومي مبشورة
- 4 اكواب حليب
- 4 معالق كبار زبدة
- 4 معالق كبار دقيق
طريقة التحضير:
- حطي اللحم المفروم في طاسة على نار متوسطة وقلبي لحد ما لونها يبقا بني
- ضيفي البصل والملح وقلبي لمدة 10 دقائق لحد ما البصل يطرى
- ضيفي الفلفل الأسود وجوزة الطيب وقلبي لحد اللحم يستوي
- لتحضير البشاميل: اخلطي الدقيق مع الزبدة في حلة على نار متوسطة لحد ما يتحمص ولونه يبقا ذهبي
- ضيفي الحليب بالتدريج مع التحريك لحد ما تحصلي على خليط كريمي وتقيل
- اظبطي الملح والفلفل وحركي وارفعي الحلة عن النار
- حطي كمية بسيطة من البشاميل في صينية الفرن وبعدين رصي نصف كمية المكرونة المسلوقة وكمية من البشاميل ووزعي اللحم
- حطي باقي كمية المكرونة فوق اللحم ووزعي البشاميل
- وزعي الجبنة الموتزريلا والجبنة الرومي والجبنة الشيدر
- دخلي الصينية الفرن على درجة حرارة 190 لمدة 25 دقيقة لحد ما تتحمر والجبنة تسيح وقدميها ساخنة
مكرونة بالبينك صوص 💖
المقادير:
- باكيت مكرونة مسلوقة
- كوب كريمة
- كوب ريحان طازج
- 2 كوب طماطم مبشورة
- معلقتين كبار معجون طماطم
- جبنة بارميزان
- مكعب مرقة دجاج
- بصلة مقطعة
- زيت زيتون
- ملح وفلفل أسود
الطريقة:
- حمري البصل في الزيت لحد ما يذبل وبعدين ضيفي الطماطم المبشورة مع معجون الطماطم ومكعب المرقة وضيفي نصف كوب ماء وتبلي بالملح والفلفل وخلي المزيج على النار 5 دقائق
- ضيفي الكريمة وخليها 5 دقائق إضافي وبعدين ضيفي الريحان على البينك صوص وارفعيه عن النار
- ضيفي المكرونة وقلبيها مع الصوص ورشي الجبنة البارميزان على الوجه وقدميها مع اللحم او الدجاج او الخضار حسب الرغبة
مكرونة بالجبنة الشيدر 💛
المقادير:
- باكيت مكرونة (صغيرة الحجم)
- 4 اكواب حليب
- 6 معالق كبار زبدة
- نصف كوب دقيق
- كوبين جبنة شيدر (مبشورة)
طريقة التحضير:
- نسلق المكرونة بالماء المملح ونصفيها ونغسلها بماء بارد ونسيبها على جنب
- نسخن الحليب في حلة على نار متوسطة لحد ما يبدأ يغلي نرفع الحلة عن النار
- نسخن الزبدة في حلة على نار متوسطة لحد ما تذوب وبعدين نضيف الدقيق ونقلب لحد ما الدقيق يتحمص ولونه يبقى ذهبي
- نضيف الحليب لخليط الزبدة والدقيق مع التحريك لحد ما قوام الخليط يبقا ناعم وكريمي
- رجعي الحلة للنار المتوسطة وحركي لحد ما القوام يتقل.
- تبلي المزيج بالملح والفلفل وبعدين ضيفي الجبنة الشيدر المبشورة وحركي
- ضيفي المكرونة المسلوقة وقلبي كويس
- اغرفي المكرونة مع الصوص في أطباق التقديم وقدميها
مكرونة بالجبنة والكريمة 💛
المقادير:
- كوب كريمة طبخ
- كوب جبنة كريمي
- ربع معلقة صغيرة ثوم مهروس
- ربع كوب جبنة شيدر مبشورة
- 3 أكواب من نوع المكرونة المفصل
طريقة التحضير:
- اسلقي المكرونة بالطريقة المعتادة وصفيها واغلسيها بماء بارد
- في طاسة على نار عالية ضيفي الكريمة والجبنة الكريمي والثوم مع ملح حسب رغبتك
- اول ما تلاحظي إن الحواف بدأت في الغليان، اخفقي المقادير جيداً لمدة دقيقة، وخليهم لمدة 15 ثانية يندمجوا مع بعض وبعدين ضيفي الجبنة الشيدر على الخليط وامزجيهم مع بعض كويس وارفعيهم من على النار
- صبي الصوص فوق المكرونة وقدميها
مكرونة بالزبادي 🤍
المقادير:
- نصف باكيت مكرونة
- نصف معلقة صغيرة ملح
- معلقة كبيرة زيت نباتي
- كوبين زبادي
- فصين ثوم مهروسين
- معلقة صغيرة ملح
- معلقتين كبار زيت زيتون
- نصف كوب نعناع طازج مفروم
طريقة التحضير
- اسلقي المكرونة وصفيها واغسليها بماء بارد
- لعمل خليط الزبادي: في طبق عميق ضيفي الزبادي والثوم والملح وزيت الزيتون والنعناع وقلبي المكونات واخلطيها، وحطيها فوقها المكرونة، وقلبي تاني عشان المكرونة تختلط مع الزبادي
- ممكن تحطي الطبق في الثلاجه شويه، أو تقدميها على طول
مكرونة بالسوسيس ♥️
المقادير :
- كيس سوسيس او سجق
- 500 جرام مكرونة
- جبنة شيدر او بارميزان
- حبة بصل متوسطة مفرومة فرم ناعم
- 2 حبة طماطم مهروسة
- معلقة كبيرة زبدة
- معلقة كبيرة زيت
- ربع كوب معجون طماطم
- مكعب مرق دجاج
- معلقة صغيرة زعتر مجفف
- ملح حسب الرغبة
- نصف معلقة صغيرة فلفل اسود
- نصف معلقة صغيرة بابريكا
- 2 معلقة صغيرة بهارات ايطالية
- ماء حسب الحاجة
- 2 ورق غار
طريقة التحضير:
- في طاسة حمي الزيت وضيفي البصل وقلبي لحد ما يذبل وبعدين ضيفي الطماطم ومعجون الطماطم وقلبي المكونات على نار هادية
- تبلي بالملح والفلفل الاسود، البابريكا، البهارات الايطالية والزعتر وقلبي كويس
- سيبي الخليط على النار لمدة 4 دقائق وضيفي السوسيس
- في حلة ضيفي مكعب مرق الدجاج مع القليل من الماء وخليه يغلي
- نزلي المكرونة في الماء المغلي وضيفي الزبدة ورشة ملح وورق الغار
- خلي المكرونة على النار لحد ما تستوي تقريباً 10 دقايق وصفيها
- صبي السوسيس فوق المكرونة وقلبي براحه ورشي الجبنة فوقها وقدميها ساخنة
مكرونة بالصلصة الحارة على الطريقة الايطالية ❤️
المقادير:
- معلقتين كبار زيت زيتون
- حبة بصل (مفروم ناعم)
- فصين ثوم (مهروسين)
- حبة فلفل حار (مقطع)
- 4 حبات طماطم (مقشرة ومفرومة)
- معلقة كبيرة معجون طماطم
- معلقة صغيرة فلفل أسود
- معلقة صغيرة ملح
- ربع كوب ماء
- معلقة صغيرة أعشاب إيطالية
- باكيت مكرونة (النوع المفضل/مسلوقة)
- جبنة بارميزان (للتزيين)
طريقة التحضير:
- سخني زيت الزيتون في طاسة على النار وضيفي البصل وقلبيه لحد ما يطرى ضيفي عليه الثوم المهروس وقلبيهم وبعدين ضيفي الفلفل الحار المقطع وحركي
- ضيفي الطماطم المفرومة ومعجون الطماطم وتبلي بالفلفل الأسود والملح وخلي المكونات لحد ما تتسبك الطماطم وتغلي شوية صبي الماء عليها وضيفي الأعشاب الإيطالية
- ضيفي كيس المكرونة المسلوقة، وحركيها مع صلصة الطماطم لحد ما يمتزجوا كع بعض.
- اغرفي المكرونة بأطباق التقديم، وزيني ببرش من جبنة البارميزان حسب الرغبة قدميها ساخنة
مكرونة بالفراخ بصوص الطماطم والريحان ❤️
المقادير:
- 500 جرام صدور فراخ مخلية متوسطة السمك
- ربع كوب زيت زيتون
- 6 حبات طماطم مقطعة
- معلقة صغيرة ثوم مهروس
- كوب من ورق الريحان
- معلقتين زبدة
- 250 جرام مكرونة سباجيتي
- ملح وفلفل حسب الرغبة
- معلقة كبيرة جبنة بارميزان مبشورة
طريقة التحضير:
- نتبل صدور الفراخ بالملح والفلفل في طبق مناسب
- في طاسة على النار نسخن زيت الزيتون ونضيف عليه قطع الفراخ ونقليها على الجانبين لحد ما تاخد لون ذهبي غامق وتقترب من السوا
- نرفع الفراخ من الطاسة ونضيف الطماطم ومعلقة الثوم ونقلبهم على نار هادية لحد الطماطم تتسبك.
- نضيف الزبدة ونعيد الفراخ لصوص الطماطم لحد ما تستوي تماماً مع إضافة القليل من الماء عند الحاجة
- نسلق المكرونة ونصفيها ونضيفها هي والريحان لصوص الطماطم والفراخ
- نزين الطبق بمعلقة كبيرة من الجبنة البارميزان
مكرونة بدجاج الكيجن ♥️
المقادير :
- 2 صدور دجاج
- معلقتين كبار زيت زيتون
- معلقة كبيرة من توابل الكاجن
- 250 جرام مكرونة اقلام
- معلقتين كبار زبدة
- 3 فصوص ثوم مهروسين
- كوب كريمة طبخ
- نصف معلقة صغيرة من قشر الليمون
- ربع كوب جبنة بارميزان
- ملح وفلفل اسود
- 2 حبة طماطم مقطعة مكعبات
- بقدونس طازج مفروم
خلطة بهارات الكاجن:
- 2 معلقة صغيرة ملح
- 2 معلقة صغيرة ثوم بودرة
- 2 معلقة صغيرة بابريكا
- معلقة ونصف صغيرة فلفل الأسود
- معلقة صغيرة بصل بودرة
- ملعقة صغيرة بودرة فلفل احمر حار
- ملعقة وربع اوريجانو مجفف
- معلقة وربع زعتر مجفف
طريقة التحضير:
- اخلطي صدور الدجاج مع توابل الكاجن ومعلقة من زيت الزيتون وسيبيها على جنب
- ضيفي معلقة من الزيت في طاسة كبيرة على النار وبعدين ضيفي صدور الدجاج على نار متوسطة لمدة 5 دقائق لكل جانب وارفعيها عن النار
- اسلقي المكرونة بالطريقة المعتادة وصفيها واغسليها بماء بارد
- ضيفي معلقة زبدة في طاسة على النار لحد ما تذوب وضيفي الثوم مع التقليب لمدة دقيقة
- ضيفي كريمة الطهي وقشر الليمون وقلبي كويس وبعدين ضيفي الجبن البارميزان وقلبي لحد ما الجبنة تذوب وتبلي بالملح والفلفل الاسود
- ضيفي المكرونة وقلبي وقطعي الدجاج لشرائح طويلة ووزعيها فوق المكرونة وزينيها بالطماطم والبقدونس وقدميها ساخنة
مكرونة بصوص البيستو و الدجاج 💚
المقادير:
- باكيت مكرونة (النوع المفضل)
- معلقة صغيرة زيت زيتون
- فصين ثوم (مهروسين)
- 2 صدر دجاج (مقطع مكعبات صغيرة)
- ثلث كوب طماطم (مجففة بالزيت ومقطعة)
- نصف كوب من صوص البيستو الجاهز
- معلقتين كبار جوز (مفروم خشن) حسب الرغبة
- معلقتين كبار جبنة بارميزان (مبشورة)
طريقة التحضير
- اسلقي المكرونة وصفيها واغلسيها بماء بارد وخليها على جنب
- سخني الزيت في طاسة كبيرة على نار متوسطة وقلبي الثوم وضيفي قطع الدجاج وقلبي لحد ما الدجاج يتحمر ويستوي
- اخلطي المكرونة والطماطم المجففة بالزيت وصلصة البستو لحد ما تمتزج المكونات وضيفي قطع الدجاج وقلبي
- زيني بالجوز المفروم والجبنة البارميزان ويمكنك إضافة الطماطم المجففه وبعدين قدميها
مكرونة بمكعبات اللحم والصلصة 😍
المقادير:
- نصف كيلو فيليه لحم (مفروم مكعبات صغيرة)
- باكيت مكرونة (صغيرة الحجم)
- حبة بصل (مفروم)
- كوبين عصير طماطم
- 3 معالق كبار معجون طماطم
- معلقة صغيرة ملح
- ربع معلقة صغيرة فلفل أسود
- ربع معلقة صغيرة بابريكا
- ربع معلقة صغيرة زنجبيل (مطحون)
- معلقة كبيرة زبدة
- معلقة كبيرة زيت نباتي
طريقة التحضير
- سخني الزبدة والزيت في حلة مناسبة وضيفي البصل وقلبي لمدة 5 دقائق لحد ما يطرى.
- ضيفي اللحم وقلبي لحد ما لون اللحم يبقا بني وبعدين ضيفي الملح والفلفل والزنجبيل والبابريكا وقلبي لحد يتحمر اللحم
- ضيفي صلصة الطماطم وعصير الطماطم وخلي المزيج لحد ما يبدأ بالغليان
- ضيفي المكرونة وغطي الحلة وخففي النار وخليها لحد ما المكرونة تستوي وتتشرب الصلصة
- اغرفي المكرونة في طبق التقديم وقدميها ساخنة مع رشة بقدونس حسب الرغبة
مكرونة سي فود 🧡
المكونات:
- باكيت مكرونة سباجيتي
- 2 كوب جمبرى مجمد
- 2 كوب شرائح سبيط
- 1 كوب بازلاء مجمدة
- حبة طماطم مقطعة مكعبات صغيرة
- فصين ثوم مهروسين
- معلقة كبيرة خل تفاح
- رشة زعفران
- معلقة كبيرة زيت زيتون
- ربع معلقة صغيرة فلفل أسود
- نصف معلقة صغيرة ملح
طريقة التحضير
- فى حلة كبيرة نغلي كمية كبيرة من الماء ونسلق المكرونة لحد ماتقرب تستوي
- نسخن الزيت فى طاسة على نار متوسطة، ونحط الثوم المفروم ونقلبه لمدة دقيقة ونضيف عليه الجمبري والسبيط ونقلبهم لمدة 5 دقائق
- نضيف البازلاء المجمدة عليهم ونقلب كويس
- نضيف خل التفاح والزعفران، ونقلب المكونات لمدة دقيقتين ونضيف الطماطم ونتبل بالملح والفلفل
- نخفف النار ونصفي المكرونة من ماء السلق، وننزل بيها فى الطاسة ونقلبها مع باقي المكونات
- ونسيبهم لمدة دقيقتين على الأقل لحد ما المكرونة تندمج معاهم
مكرونة في الفرن بكرات اللحم ♥️
المقادير:
- 400 جرام مكرونة سباجيتي او بيني
- بصلة متوسطة
- معلقتين زيت زيتون
- ربع كوب زيت نباتي
- معلقة ثوم مهروس
- 5 أكواب عصير طماطم
- كرات لحم (400 جرام لحم مفروم)
- كوب عصير برتقال
- مكعب مرقة دجاج
- قرن فلفل أحمر مقطع مكعبات
- ملح وفلفل حسب الرغبة
- اوراق ريحان طازج (اختياري)
- جبنة موتزاريلا للوجه
طريقة التحضير:
- في حلة مناسبة ضيفي زيت الزيتون والبصل مع التقليب لحد ما يذبل البصل
- ضيفي الثوم وبعدين عصير الطماطم وعصير البرتقال مع مرقة الدجاج ويترك على نار هادية لمدة 20 دقيقة
- نقلي كرات اللحم وتضاف للصلصة مع مكعبات الفلفل الأحمر والملح وسيبيها على نار متوسطة 10 دقائق إضافية
- سخني الفرن على 350 درجة
- اسلقي المكرونة بالطريقة المعتادة وصفيها واغلسيها بماء بارد وحطيها في صينية فرن مع الريحان واخلطيها بكرات اللحم والصلصلة وغطيها بالجبنة ودخليها الفرن لمدة 20 دقيقة
فيتوتشيني الفريدو 💛
المقادير:
- باكيت فيتوتشيني
- ربع كوب زبدة
- كوبين كريمة طبخ
- معلقة صغيرة ملح
- ربع معلقة صغيرة ثوم بودرة
- كوب الا ربع جبنة بارميزان (مبشورة)
- ربع كوب جبنة رومي
طريقة التحضير
- اسلقي الفيتوتشيني بحسب التعليمات على الباكيت وصفيها واركنيها على جنب
- ذوبي الزبدة في حلة واسعة على نار منخفضة وضيفي الملح والثوم البودرة وقلبي.
- ضيفي الجبنة البارميزان والجبنة الرومي وقلبي على نار متوسطة لحد ما الجبنة تذوب والمزيج يتقل
- ضيفي كريمة الطبخ وخلي المزيج يغلي غلوة واحدة
- ضيفي المكرونة المسلوقة وقلبي لحد ما تتغطى بالصوص
- قدميها ساخنة مع الدجاج المشوي أو الخضار حسب الرغبة
فيتوتشيني بالسجق 🤎
المقادير :
- 500 جرام مكرونة فيتوتشيني
- نصف كيلو سجق
- معلقة كبيرة زيت زيتون
- حبة بصل أبيض كبيرة مقطعة مكعبات صغيرة
- 30 جرام زبدة
- 10 فصوص ثوم مهروسين
- 4 حبات فلفل أحمر أو أخضر
- معلقة كبيرة بهارات إيطالية
- معلقة صغيرة ملح، حسب الرغبة
- كوب كريمة طهي
- 4 حبات طماطم، مقطعة أنصاف
- جبنة بارميزان مبشورة حسب الرغبة
طريقة التحضير
أولًا تحضير الباستا:
- نسلق المكرونة الفيتوتشيني بالطريقة المعتادة مع تحريكها من وقت للتاني لمدة 7 دقائق بحيث تستوي 3/4 سوا، ونصفيها ونغسلها بماء بارد ونركنها على جنب وناخد ربع كوب من ماء السلق ونسيبه على جنب
ثانياً تحضير السجق:
- اول حاجة هنفرغ السجق من خلال عمل شق بالسكينة ونفتته باليد لقطع صغيرة او نقطعة شرائح صغيرة حسب الرغبة
- في طاسة ساخنة على نار متوسطة، نضيف الزيت والبصل ونحرك البصل لحد ما يدبل وبعدين نضيف الزبدة مع الاستمرار بالتحريك لحد ما الزبدة تدوب ونضيف عليهم الثوم والفلفل ونقلبهم شويه وبعدين نحركهم لمنتصف الطاسة
- نضيف السجق عليهم ونحركهم مع بعض لحد ما يتجانسوا نضيف عليهم البهارات الإيطالية والملح
- بعد كده هنضيف ربع كوب ماء السلق ونسيب الخليط على نار هادية لمدة 3 دقائق يتسبك وبعدين نضيف الكريمة
- نضيف الطماطم ونصف كمية جبنة البارميزان ونقلب الخليط مع بعضه ونضيف عليه الفيتوتشيني ونسيبهم على النار لمدة دقيقتين
- في طبق التقديم، نغرف الفيتوتشيني ونزينها بكمية جبنة البارميزان المتبقية ونقدمها ساخنة
نجرسكو بالدجاج 💛
المقادير:
- باكيت مكرونة بيني
- 4 صدور دجاج
- 2 حبة بصل (كبير الحجم)
- 2 فلفل رومي (متوسط الحجم)
- نصف معلقة صغيره ثوم بودرة
- نصف معلقة صغيرة بصل بودرة
- معلقة صغيرة ملح
- معلقة صغيرة فلفل أسود
- 4 معالق كبار زيتون شرائح
- ربع كوب جبنة شيدر (مبشورة)
- ربع كوب جبنة رومي (مبشورة)
- 2 مكعب مرق دجاج
- كوب ونصف حليب
- 3 معالق كبار دقيق
- 3 معالق كبار زبدة
- معلقتين كبار زيت
- بيضة
- معلقة كبيرة بقدونس (مفروم)
- معلقة صغيرة ريحان (اختياري)
- حبة ليمون
طريقة التحضير:
- قطعي صدور الدجاج وحطيها مع بصلة مفرومة ناعم وملح وفلفل وبهارات وعصير الليمونة وسيبيها في الثلاجة تتبل شوية.
- ابدأي اعملي الصوص: حطي معلقة زبدة في حلة على النار مع إضافة الدقيق والتقليب بسرعة عشان الدقيق ما يتكتلش الدقيق ولونه يصفر.
- في طبق تاني ضيفي الحليب ومرق الدجاج لحد ما مرق الدجاج تدوب فيه وحطيه على خليط الدقيق والزبدة وقلبي بمضرب سلك وابعديه عن النار عشان الدقيق يتفكك ورجعيه على النار مرة تانية مع التقليب المستمر لحد ما القوام يتقل شوية.
- ضيفي الجبنة الشيدر والجبنة الرومي المبشورة والفلفل الأسود للصوص لحد ما تذوب الجبنة والخليط يتقل.
- اسلقي المكرونة في ماء مغلي مملح وفيه قليل من الزيت.
- في طاسة على النار حطي معلقة زبدة ومعلقة زيت وضيفي البصلة المفرومة وقلبي البصل لحد ما يدبل وبعدين ضيفي قطع الدجاج مع التتبيلة وباقي كمية التوابل وقلبي لمدة 10 دقايق وضيفي شرائح الفلفل الرومي.
- صفي المكرونة واخلطيها مع الزيتون والدجاج والتوابل لحد ما المكونات تندمج كويس وحطيها في صينية فرن مدهونة بالزيت.
- اخفقي بيضة وضيفيها للصوص وادمجي ثلاث أرباع الصوص مع المكرونة والدجاج وصبي الباقي على الوجه وبعدين حطي الجبنة الموتزاريلا والجبنة الشيدر ودخليها في فرن مسخن مسبقاً على درجة حرارة 180 درجة لحد ما الجبنة تسيح والوش ياخد لون ذهبي جميل.
نجرسكو باللحم المفروم 😍
المقادير:
- باكيت مكرونة (النوع المفضل)
- 300 جرام لحم مفروم
- حبة بصل (مفروم ناعم)
- كوب ونصف كريمة طهي
- معلقة كبيرة زبدة
- معلقة صغيرة أوريغانو مطحون
- 3 معالق كبار معجون طماطم
- ربع كوب ماء
- معلقة صغيرة ملح
- ربع معلقة صغيرة فلفل أسود
- كوب جبنة موتزاريلا
طريقة التحضير
- نسلق المكرونة ونصفيها ونغسلها بماء بارد ونسيبها على جنب
- نسخن الزبدة في طاسة واسعة ونضيف اللحم المفروم ونقلب لحد ما لون اللحمه يتغير
- نضيف البصل والملح ونقلب لمدة 5 دقائق
- نضيف معجون الطماطم والفلفل الأسود والأوريغانو والماء ونسيبهم على النار لمدة 5 دقائق
- نضيف الكريمة ونقلب ونخفف النار ونسيبهم لمدة 5 دقائق كمان
- ندهن صينية بالزبدة ونوزع مزيج اللحم والكريمة والصوص فوقها
- نوزع الجبنة الموتزاريلا وندخل الصينية الفرن على درجة حرارة 180 لمدة 25 دقيقة وتتحمر
- نقدمها ساخنة مع السلطة حسب الرغبة
نصائح لسلق المكرونة بطريقة صحيحة
- استخدمي حلة عميقة وحطي 2.5 لتر ماء لكل نصف كيلو من المكرونة عشان تستوي بسرعة.
- ضيفي لكل نصف كيلو مكرونة معلقة كبيرة ملح لماء السلق.
- بعد ما الماء يغلي كويس حطي المكرونة تتسلق واوعي تغطيها ابداً عشان ماتعجنش.
- قلبي المكرونة بمعلقة خشب بعد اضافتها الى الماء.
- استخدمي مصاة لغسل وتصفية المكرونة اول ما تستوي وماتخليهاش في المياة السخنة.
- ضيفي للمكرونة شوية زيت زيتون لو مش هتستخدميها على طول عشان ماتلزقش في بعضها.
- حضري في حلة الصوص أو الصلصة المفضلة وضيفي المكرونة عليها، مش العكس.
في كل وقت نتصفح موضوع صور مكرونة سوف يتم اضافة المزيد من صور جميع انواع المكرونة الجميلة والمحببة لكم جميعاً، ان كانت لديكم صور اطباق مكرونة وترغبون في وضعها بتلك المشاركة فكل ما عليك ان ترسل لنا رابط الصورة عن طريق زر التواصل الخاص بنا من اسفل وسوف يتم اضافتها على الفور.
صديقي. إذا أعجبك الموضوع رجاءً قم بإضافة تعليق لتشجيعنا علي إضافة المزيد ..